Þurfa 2.000 milljarða dala

Fjármögnunarþörf bandaríska ríkisins á þessu ári nemur 2.000 milljörðum dala (um 250.000 milljörðum króna). Þörfin kemur til vegna mikils hallareksturs á ríkissjóði ofan á alls kyns fjárhagsaðstoð við fyrirtæki og fjárframlög, sem ætlað er að örva hagkerfið.

Þarf ríkið að afla 900 milljarða dala fyrir september í ár. Í þessari viku mun bandaríska ríkið selja skuldabréf og víxla fyrir alls um 100 milljarða dala og hefur ávöxtunarkrafa á bandarísk ríkisskuldabréf hækkað umtalsvert frá því í mars.

Til þessa hafa alltaf fundist kaupendur að öllum bandarískum ríkisskuldabréfum ólíkt því sem gerst hefur í Bretlandi og Þýskalandi, þar sem haldin hafa verið ókláruð skuldabréfaútboð.

Hafa fjárfestar áhyggjur af því að matsfyrirtæki muni hugsanlega lækka lánshæfiseinkunn bandaríska ríkisins.

• 2 blogg um fréttina

Bloggað um fréttina

• Hörður Valdimarsson: Það er greinilegt að dollarinn þarf að falla.
• Jón Lárusson: Vantraust á bresk og þýsk stjórnvöld