General Motors bjargað frá gjaldþroti

Óvissa ríkir um framtíð nokkur þúsund starfa í Evrópu eftir að bandaríski bílaframleiðandinn General Motors (GM) fékk í dag gjaldþrotavernd fyrir gjaldþrotadómstól í Bandaríkjunum. Þetta kemur fram á fréttavef CNN.

Barack Obama Bandaríkjaforseti mun ávarpa þjóðina síðar í dag og útskýra málið nánar en í björgunaraðgerðum bandaríska fjármálaráðuneytisins vegna fyrirtækisins mun m.a. vera gert ráð fyrir að einungis hagkvæmustu verksmiðjur og deildir fyrirtækisins verði starfræktar áfram. 

Samkvæmt heimildum fjölmiðla þar í landi samþykkti um helmingur lánadrottna félagsins björgunaráætlun ráðuneytisins í gær en hún gerir ráð fyrir því að þeir eignist 25% hlut í fyrirtækinu í stað skulda sinna.

Á meðal þeirra sem studdu aðgerðina voru stórir fjárfestar sem áttu um það bil fimmtung af útistandandi skuldabréfum General Motors, sem nema í heildina 27,2 milljörðum dala.

• 2 blogg um fréttina

Bloggað um fréttina

• Andri Geir Arinbjarnarson: Aðrar aðferðir en á Íslandi
• Róbert Björnsson: Mun Amerískur bíla-iðnaður rísa á ný?