Lettlandi stýrt frá gjaldþroti

„Ákvörðunin í gær bjargaði landinu frá gjaldþroti,“ sagði forsætisráðherra Lettlands við fjölmiðla í dag, er hann tilkynnti um niðurskurð á ríkisútgjöldum, sem AP fréttaveitan segir að hafi verið á síðustu stundu svo landið gæti fengið lánsfjármagn frá alþjóðlegum lánastofnunum.

Skera þurfti ríkisútgjöld Lettlands um einn milljarð dollara svo það gæti fengið 10,6 milljarða dollara lán, sem næstu greiðslu af björgunarláni, sem samið var um í desember síðastliðnum.

Fulltrúar frá Evrópusambandinu hafa gefið til kynna að landið fengi næstu greiðslu eða 1,7 milljarða dollara lán bráðlega ef landið tæki til í ríkisfjármálunum , segir í frétt AP sem birtist á fréttavef Fobes.

Þingið í Lettlandi á eftir að samþykkja téðan niðurskurð.

• 1 blogg um fréttina

Bloggað um fréttina

• Axel Jóhann Axelsson: Gjaldþrota ESB-ríki