Verður hæfnismat gert opinbert?

Hrannar B. Arnarsson, aðstoðarmaður forsætisráðherra, segist í samtali við Morgunblaðið reikna með að það skýrist fljótlega hvort niðurstöður matsnefndar um hæfi umsækjenda í stöðu seðlabankastjóra verði gerðar opinberar. Frestur nefndarinnar til að svara athugasemdum umsækjenda rann út í gær.

Már Guðmundsson og Arnór Sighvatsson voru metnir mjög vel hæfir af matsnefndinni. En Þorvaldur Gylfason, Tryggvi Pálsson og Yngvi Örn Kristinsson voru taldir vel hæfir.