Guðmundur Ólason, forstjóri Milestone, segir að hann hafi fyrst í dag fengið staðfest að starfsemi Sjóvár væri til rannsóknar hjá embætti sérstaks saksóknara. Hann segir allar upplýsingar liggja uppi á borðum og starfsemin hafi verið undir ströngu eftirliti opinberra aðila. Því ætti ekkert að koma eftirlitsaðilum á óvart í þessum efnum.

Fulltrúar sérstaks saksóknara gerðu í dag húsleit á skrifstofum Milestone og heima hjá Guðmundi. Milestone er eigandi Moderna, sem Sjóvá heyrði undir. Guðmundur bendir á að félagið hafi farið í gegnum nokkrar áreiðanleikakannanir og sé undir ströngu eftirliti sænska fjármálaeftirlitið, sem hefur eftirlit með fjármálastarfsemi þar í landi.

Hann segist ekkert hafa heyrt af rannsókn á starfsemi Sjóvár nema óstaðfest í gegnum í gegnum fréttaflutning Morgunblaðsins undanfarnar vikur og mánuði. Hann viti því ekki meira um rannsóknina en gefið hefur verið út opinberlega.

Tengdar fréttir

Húsleit hjá Sjóvá ofl

Yfirlýsing frá Ingunni Wernersdóttur

• Viðræður um sölu á banka í Makedóníu
• Yfirheyrslur vegna Milestone
• „Project Supergood“ í skoðun hjá skiptastjóra
• Lánastefna Glitnis svipuð og Kaupþings

» Fleiri tengdar fréttir

• 2 blogg um fréttina

Bloggað um fréttina

• Einar Guðjónsson: ´´ Undir ströngu eftirliti opinberra aðila´´
• Heimir Lárusson Fjeldsted: Bankarnir voru undir "ströngu" eftirliti