Afkoma DnB NOR undir væntingum
Setja bókamerki
Hagnaður stærsta banka Noregs, DnB NOR, dróst saman um 63% á öðrum ársfjórðungi en það skýrist einkum af efnahagskreppunni í Eystrasaltsríkjunum.
Hagnaður DnB NOR nam 1,2 milljörðum norskra króna, 23,8 milljörðum íslenskra króna en spá sérfræðinga hljóðaði upp á 1,6 milljarða króna hagnað. Á sama tímabili í fyrra, apríl-júní, nam hagnaður bankans 3,3 milljörðum króna.
Bankinn á útistandandi lán í Eystrasaltsríkjunum þremur: Litháen, Lettlandi og Eistlandi, metin á 54,6 milljarða norskra króna, 1.084 milljarða íslenskra króna, í gegnum dótturfélag sitt DnB Nord.
Í afkomutilkynningu kemur fram að lykilskýringin á minni hagnaði í ár megi rekja til afskrifta í Eystrasaltsríkjunum. Hefur DnB NOR fært virði lána í ríkjunum þremur um 1,34 milljarða norskra króna. Vonast stjórnendur bankans til þess að það versta sé yfirstaðið í rekstri bankans.
Hlutabréf DnB NOR hafa lækkað um rúm 4% það sem af er degi í Kauphöllinni í Ósló.
Áfram í haldi grunaður um hrottalegt ofbeldi
Fleiri glæpamenn gætu sloppið við afplánun
Matseðlar bara á ensku á mörgum veitingastöðum
Alvarlegt tilfelli og neyðarástandi lýst yfir
Tugir barna veiktust í hópsýkingu
Heildarflatarmálið 9 km²: Landris heldur áfram
Húsið fokhelt án byggingarleyfis
Annað gos gæti brotist út í febrúar