Telja að ljúka verði Icesave
Setja bókamerki
Ísland, sem hefur kynnt áætlun um endurbyggingu bankakerfisins, þarf nú að ljúka samningum við Breta og Hollendinga vegna Icesave-samkomulagsins, til þess að opna leiðina að fleiri alþjóðlegum sjóðum og tryggja lánshæfismat ríkisins, samkvæmt upplýsingum Bloomberg frá alþjóðlega lánshæfismatsfyrirtækinu Fitch Ratings.
David Riley, sem stýrir lánshæfismati þjóðríkja hjá Fitch, segir að ef Íslandi nái þessu fram sé greinilega um framfarir að ræða og það hafi jákvæð áhrif á lánshæfismatshorfur og traust landsins. Ísland er með einkunnina BBB- hjá Fitch, en það er einum flokki hærri einkunn heldur en ruslflokkur. Ríkið er á athugunarlista hjá matsfyrirtækinu með neikvæðar horfur. Ef þessi skref verða stigin er ólíklegt að Ísland falli í ruslflokkinn hjá Fitch.
Í frétt Bloomberg er fjallað um samkomulagið sem kynnt var í gær við skilanefndir bankanna. Kemur fram að íslensk stjórnvöld bíði en eftir næstu útborgun lánsins frá Alþjóða gjaldeyrissjóðnum, upp á 155 milljónir dala.
Jafnframt fjallar Bloomberg um þann möguleika á að Icesave-samkomulagið verði fellt á Alþingi og að það geti þýtt að ekkert verði af næstu útborgun frá Alþjóða gjaldeyrissjóðnum né frá ríkjum sem heitið hafa því að lána Íslendingum fé.
Ný ríkisstjórn kynnt á morgun
Funda með þingflokkum
„Tímabil aukinnar eldvirkni“
Ók á hóp fólks á jólamarkaði: Einn látinn
Forstjóri bendir á ábyrgð birgja vegna verðhækkana
„Börn heima sem maður myndi vilja hafa í skjóli“
Beint: Ný ríkisstjórn tekin við völdum
