Frumtak kaupir hlut í Handpoint

Frumtak, sem er í eigu Nýsköpunarsjóðs, lífeyrissjóða og banka, hefur keypt hlut í Handpoint ehf. fyrir 132 milljónir króna.

Handpoint hefur frá stofnun árið 1999, sérhæft sig í hugbúnaðarlausnum á handtölvum fyrir verslunarkeðjur, að því er segir í tilkynningu.

Frumtak er samlagssjóður í eigu Nýsköpunarsjóðs atvinnulífsins, sex af stærstu lífeyrissjóðum landsins og bankanna þriggja. Frumtak fjárfestir í nýsköpunar- og sprotafyrirtækjum sem þykja vænleg til vaxtar og útrásar, samkvæmt tilkynningu.

• 1 blogg um fréttina

Bloggað um fréttina

• Guðrún María Óskarsdóttir.: Afar fróðlegt, " samlagssjóður " í eigu lífeyrissjóða, og banka …