Verulegur gjaldeyrisforði nauðsyn
Setja bókamerki
Steingrímur J. Sigfússon, fjármálaráðherra, sagði á Alþingi í dag, að það væri mat þeirra, sem hefðu komið að málum að verulegur gjaldeyrisforði sé óumflýjanlegur liður í endurreisn íslenska efnahagslífsins.
Kristján Þór Júlíusson, þingmaður Sjálfstæðisflokksins, vakti máls á því í fyrirspurnartíma hvort þörfin á að styrkja gjaldeyrisforðann með lántöku væri ofmetin. Vitnaði hann til skoðana hagfræðinga sem fram hafa komið í fjölmiðlum. Spurði hann fjármálaráðherra hvort lægi fyrir sjálfstætt mat á þörfinni á gjaldeyrisforða í ár og næstu árin.
Steingrímur sagði að sjálfsagt mætti deila um hversu stóran gjaldeyrisforða sé nauðsynlegt að hafa til að auka tiltrú og styrkja gengi krónunnar. Allt snérist þetta líka um að eyða óvissu. Ekki væri endilega víst í hvaða mæli og hvenær öll þessi lán verða tekin og ekki hvort að þau skili sér öll í hús. „Viðræður við Rússa eru skammt á veg komnar. Norðurlandalánasamningarnir bíða tilbúnir og viðræðum við Pólverja hefur miðað vel,“ sagði hann. Fjármálaráðherra sagði það mat þeirra, sem að þessu hafa komið, að það sé óumflýjanlegur liður í endurreisninni að hafa verulegan gjaldeyrisvaraforða.
Var engin kristnitaka árið 1000?
„Tímabil aukinnar eldvirkni“
„Þetta er ríkisstjórn almannahagsmuna“
„Mér finnst gamla Samfylkingin komin aftur“
Lát hjóna í Neskaupstað: Ákæra gefin út
Barn lést í árásinni
Forstjóri bendir á ábyrgð birgja vegna verðhækkana
Víkingar komnir yfir 800 milljónir í greiðslur
