Kreppa hjá breskum sveitarfélögum

Sveitarfélög á Englandi og í Wales horfast nú í augu við 4 milljarða punda tekjuhalla eða sem nemur 843 milljörðum íslenskra króna. Sjö þúsund störf hafa tapast á liðnu hálfu ári. Hallinn tekur ekki inn í myndina hrun íslensku bankanna þar sem náðst hefur að fresta þeim áhrifum til 2010-11 að því fram kemur á vef BBC.

Tekjur af fasteignasölu og sölu lands hafa lækkað um 2,7 milljarða punda miðað við 2007-08 og vextir á innistæðum um 1,3 milljarð. Búist er við því að sveitarfélög haldi áfram að fækka störfum á næstu tólf árum.

Sveitarfélögin hafa reynt að hlaupa undir bagga með íbúunum sem í auknum mæli eiga í erfiðleikum m.a. með að borga af veðlánum. Það getur þó reynst sveitarfélögunum erfitt þar sem tekjulindum þeirra hefur fækkað verulega.

• 1 blogg um fréttina

Bloggað um fréttina

• Halldóra Lára Ásgeirsdóttir: Kreppa hjá breskum sveitarfélögum.