Bónusgreiðslur til Straumsmanna

Samþykki kröfuhafar Straums að halda rekstri bankans áfram munu starfsmenn fá árangurstengdar greiðslur, sem eru í hlutfalli við endurheimtur eigna. Þetta er samkvæmt endurreisnaráætlun sem kynnt var kröfuhöfum í byrjun ágúst.

Kröfuhöfum er í sjálfsvald sett hvort þeir samþykki áætlunina, endursemji eða fái nýtt fólk til að reka bankann.  Þeir geta líka hafnað því að fara í nauðasamninga, sett bankann í gjaldþrot og selt allar eignir hans  strax upp í kröfur.

Samkvæmt áætlun sem kynnt var kröfuhöfum nú í byrjun ágúst má gera ráð fyrir að 7% fáist upp í ótryggðar kröfur fari bankinn í gjaldþrotameðferð. Ákveði kröfuhafar að halda starfseminni áfram er gert ráð fyrir að 51% fáist upp í ótryggðar kröfur. Endanlegt hlutfall er þó háð aðstæðum á markaði, þróun gengis krónunnar og vaxtastigi.

Nafnlaust tölvupóstur hefur verið sendur á fjölmiðla í dag þar sem fram kemur að stjórnendur Straums leggi til að þeir fái milljarða í bónusgreiðslur og enn meira ef vel gengur. Mbl.is hefur ekki fengið þessar tölur staðfestar. Bréfritari segist vinna fyrir kröfuhafa Straums.

Frétt af mbl.is

Stjórnendur vilja milljarða í bónus

• 5 blogg um fréttina

Bloggað um fréttina

• Sigurður Jónsson: Á vitleysan virkilega að halda áfram ?
• Benedikta E: Bankamafían enn í fullri axjon - enda sköpuð skilyrði í …
• Axel Jóhann Axelsson: Engu gleymt og ekkert lært
• Sigurður Ingi Kjartansson: Bara ein lausn
• Theo: Já var það ekki