Fara með 91,34% hlut í Alfesca

Yfirtökutilboð Lur Berri Iceland ehf. til hluthafa Alfesca var samþykkt af eigendum 23,04% hlutafjár. Lur Berri hefur tryggt sér 25,96% af útgefnu hlutafé Alfesca 2,92% af útgefnu hlutafé félagsins við upphaf útboðsins sem hófs í byrjun júlí en lauk í gær. Fyrir tilboðið áttu samstarfsaðilar Luc Berri 68,3% og fer félagið því með 91,34% hlutafjár í Alfesca.

Samstarfsaðilar Luc Berri Iceland eru: Lur Berri Holding SAS (móðurfélag Lur Berri Iceland), Kjalar Invest B.V., Alta Food Holding B.V., Kaupthing Singer & Friedlander Ltd. og tilteknir stjórnendur Alfesca.

Segir í tilkynningu til Kauphallarinnar að hluthafar sem samþykkt hafa tilboðið munu fá kaupverð hlutanna greitt eigi síðar en 24. ágúst 2009 í samræmi við skilmála tilboðsins, samhliða því að Lur Berri Iceland ehf. fær hlutina framselda.

Í ljósi þess að samstarfsaðilarnir eiga sameiginlega meira en 90% útgefins hlutafjár og fara með meira en 90% atkvæðisréttar í Alfesca hf. hyggst Lur Berri Iceland ehf. nú leggja til við stjórn félagsins að hlutir í eigu annarra hluthafa Alfesca hf. verði innleystir. Ennfremur að afskrá Alfesca úr Kauphöllinni þannig að enn fækkar félögum sem þar eru skráð.

• 1 blogg um fréttina

Bloggað um fréttina

• Eggert Þór Aðalsteinsson: Ólafur hvergi af baki dottinn