Veitt starfsleyfi sem verðbréfafyrirtæki

Fjármálaeftirlitið hefur veitt Capacent Glacier hf. starfsleyfi sem verðbréfafyrirtæki. Starfsleyfi Capacent Glacier hf. tekur til viðskipta og þjónustu með fjármálagerninga samkvæmt lögum um verðbréfaviðskipti sem felst í fjárfestingarráðgjöf og umsjón með útboði verðbréfa án sölutryggingar.

Magnús Bjarnason er framkvæmdastjóri Capacent Glacier og stjórnarformaður Glacier Partners. Magnús var áður einn af framkvæmdastjórum Glitnis.

Á vef fyrirtækisins segir að Capacent Glacier er alþjóðlegt fjármálaráðgjafarfyrirtæki í nánu samstarfi við Glacier Partners í New York. Félögin veita óháða ráðgjöf tengda kaupum og sölum á fyrirtækjum, fjármögnun og fjárhagslegri endurskipulagningu. 

Capacent Glacier byggir á grunni Capacent .  Tilurð Capacent má rekja til 2005 þegar IMG og KPMG Ráðgjöf sameinuðu krafta sína.   Starfsmenn Capacent eru í dag um 500 talsins, á Íslandi og annars staðar á Norðurlöndum.

Sjá nánar

• 1 blogg um fréttina

Bloggað um fréttina

• Guðrún María Óskarsdóttir.: Var ekki nóg til af verðbréfafyrirtækjum ?