Bónus og refsing í bönkum

Franskir bankar hafa samþykkt að taka upp afkastatengdar launagreiðslur sem hafa bæði bónusa og sektir fyrir miðlara. Franska bankasambandið tilkynnti um breytingarnar eftir fund með Nicolas Sarkozy, Frakklandsforseta í dag. Með nýja kerfinu er BNP-Paribas bankinn tilbúinn að minnka upphæðina sem lögð hefur verið til hliðar fyrir bónusa á fyrsta hluta ársins 2009 um um helming, niður í 500 milljónir evra að sögn Baudoin Prot, stjórnarformaður BNP og franska bankasambandsins. Sarkozy kallaði yfirmenn bankanna á sinn fund í dag sem svar við reiði almennings við fréttum um að BNP-Paribas, sem á síðasta ári fékk 5,1 milljarð evra í ríkislán, væri að undirbúa að borga út einn milljarð til miðlara. Í kjölfar fundarins sagði Prot að bankarnir hefðu lofað að „styrkja yfirsýn og gegnsæi“ í þóknunarkerfi þeirra og að bónusum yrði skipt út fyrir refsingar myndu bankar tapa peningum. En hann varaði við því að það gæti orðið erfitt að koma slíkum skilyrðum í gegn í aðeins einu landi. Sarkozy mun fara til Bandaríkjanna í lok september til að tala fyrir því að meira eftirlit verði haft með bankastarfsemi í heiminu, áður en leiðtogar helstu efnahagsríkja heims hittast á áætluðum G20 fundi.

• 1 blogg um fréttina

Bloggað um fréttina

• Jenný Stefanía Jensdóttir: Bónus og refsing!