Taldi ekki ríkisábyrgð á Icesave-reikningum

Sigurjón Þ. Árnason,  fyrrverandi bankastjóri Landsbankans, sagði í fréttum Stöðvar 2 í kvöld að hann hefði á sínum tíma ekki talið að ríkisábyrgð væri á Icesave-reikningum Landsbankans. Ekki hefði verið minnst á slíka ábyrgð í lögum.

Sigurjón sagði, að það hefði verið ákvörðun ríkisstjórnarinnar að óska eftir ríkisábyrgð á Icesave-skuldbindingunum; hefði hún verið fyrir hefði ekki þurft að setja um hana lög. Sem betur fer hefðu verið settir fyrirvarar sem væru til bóta.

Þegar Sigurjón var spurður hvort hann byggist við því, að stjórnvöld muni höfða skaðabótamál á hendur honum á þeirri forsendu, að hann hefði unnið  ríkinu og almenningi í landinu fjárhagslegt tjón með athöfnum sínum í aðdraganda bankahrunsins og í því.

Sigurjón svaraði að forustumenn Landsbankans hefðu talið sig vera að vinna að hagsmunum bankans og almennings og unnið í samræmi við þær reglur, sem voru í gildi. 

• 4 blogg um fréttina

Bloggað um fréttina

• Benedikta E: www.kjosa.is Áskorun til forseta Íslands Ólafs Ragnars Grímssonar - að …
• Jenný Anna Baldursdóttir: Essa sú?
• Óli Jóhann Kristjánsson: Af hverju er verið að hlusta á þessa menn
• Sigurður Jónsson: Ætla nú fyrrverandi bankastjórar Sigurjón og Hreiðar Már að kenna …