2,6% samdráttur í Finnlandi

Samdrátturinn í finnsku efnahagslífi mældist 2,6% á öðrum ársfjórðungi frá fyrsta ársfjórðungi en samdrátturinn nam 3% á fyrsta ársfjórðungi. Landsframleiðslan dróst saman um 9,4% á öðrum ársfjórðungi samanborið við sama tímabil ári áður, samkvæmt upplýsingum frá Hagstofu Finnlands.

Um áætlun er að ræða fyrir annan ársfjórðung en um rauntölur fyrir fyrsta ársfjórðung. Fyrri áætlun fyrir fyrsta ársfjórðung hljóðaði upp á 2,7% þannig að samdrátturinn er meiri en áður var talið.

Samkvæmt efnahagsspá finnskra stjórnvalda frá því í júní var gert ráð fyrir að samdrátturinn gæti numið 6% í ár og að atvinnuleysi myndi aukast samfara samdrættinum.

• 1 blogg um fréttina

Bloggað um fréttina

• Haraldur Haraldsson: 2,6% samdráttur í Finnlandi/það er víða pottur brottin,en á Íslandi!!!!!