Áttum að hætta árið 2005

Jón Ásgeir Jóhannesson segir í viðtali við Viðskiptablaðið, sem kemur út á morgun, að hann og viðskiptafélagar hans hefðu átt að hætta þegar þeir keyptu bresku verslunarkeðjuna Big Food Group árið 2005 og halda sig við verslun.

„Hefði Baugur haldið sínum ráðandi hlut í þessum félögum þá hefði verið hægt að standa undir skuldum Baugs auðveldlega enda var skuldsetning félagsins 2005 heilbrigðari þá en síðar varð með auknum fjárfestum í ólíkum geirum sem við hefðum betur látið vera."

Í viðtalinu segir Jón Ásgeir, að hann hafi ekki verið boðaður til yfirheyrslu hjá opinberum aðilum í kjölfar bankahrunsins og segist ekki eiga von á slíku.

• 5 blogg um fréttina

Bloggað um fréttina

• Jóhann Frímann Traustason: það er gott að vera vitur eftir á þ.e.a.s.
• Jenný Anna Baldursdóttir: Ég hefði, ég hefði betur
• Páll Vilhjálmsson: Viðskipti í viðtengingarhætti
• Stefán Friðrik Stefánsson: Barnalegar árásir Jóns Ásgeirs á Egil Helgason
• Ómar Bjarki Smárason: Líklega best....