Facebook í samstarf við markaðsrannsóknafyrirtækið Nielsen

Forstjóri samskiptasíðunnar Facebook, Sheryl Sandberg, tilkynnti í dag um að gerður hefði verið samningur við markaðsrannsóknafyrirtækið Nielsen um að fylgjast með auglýsingum á síðunni, til að auðveldað markaðsfólki að greina árangur auglýsinga sinna á samskiptasíðunni.

Sandberg segir að það hversu fljót samskiptasíðan sé að ná til yfir 300 milljóna meðlima sinna og vegna sérfræðiþekkingar Nielsen í gagnagreiningu verði hægt að setja saman pakka sem hægt verði að nota til að skilja og bæta markaðsherferðir framtíðarinnar hjá auglýsendum síðunnar. Mun pakkinn BrandLift verða boðinn auglýsendum í Bandaríkjunum í þessari viku og stefnt að því að ná til allra auglýsenda Facebook á komandi mánuðum.

Með BrandLift verður notendum síðunnar boðið að segja skoðun sína á hugmyndum að auglýsingum, sem nota myndir, myndbönd og gagnvirkni í stað einungis texta. Ekki verði safnað persónugreinanlegum upplýsingum.

• 1 blogg um fréttina

Bloggað um fréttina

• Theódór Norðkvist: Persónunjósnir?