Landic selur starfsemi í Danmörku

Fasteignafélagið Landic Property hefur skrifað undir samning um sölu á Atlas I
fasteignasafninu (Landic Property Denmark A/S) til danska fasteignafélagsins Jeudan A/S. 

Fasteignasafnið samanstendur af 31 fasteign sem flestar eru staðsettar í miðborg Kaupmannahafnar. Söluverðið erum 2 milljarðar danskra króna, 49,7 milljarða íslenskra króna, sem samsvarar bókfærðu verði fasteignanna, að því er segir í tilkynningu.

Þar kemur fram að meðal fasteigna eru byggingar eins og Tietgen húsið og ØK bygginguna.

Viðar Þorkelsson, forstjóri Landic Property segir í tilkynningu: „Ég er ánægður með þennan samning sem við höfum gert við Jeudan og tel að verðið sé vel ásættanlegt miða við núverandi markaðsaðstæður. Þessi samningur er
mikilvægur áfangi í endurskipulagningu Landic Property sem í framhaldinu mun einbeita sér að rekstri fasteigna á Íslandi. Endurskipulagningin á íslenska eignasafninu gengur vel og er því sem næst lokið.”

• 1 blogg um fréttina

Bloggað um fréttina

• Axel Jóhann Axelsson: Bókfært verð - söluverð - skuldir