Álverð aftur upp fyrir 2.000 dollara múrinn

Verð á áli á erlendum mörkuðum heldur áfram að hækka. Í framvirkum samningum á London Metal Exchange hefur tonn af áli selst á ríflega 2.000 dollara, sem ekki hefur gerst síðan í sumar.

Í Hagsjá Landsbankans er bent á að verðið hafi í haust haldist frá 1.800 til 2.000 dollurum. Er það talið afar jákvætt fyrir viðskiptajöfnuðinn hér á landi að álverðið hafi haldist á þessu verðbili að undanförnu en ál er um þriðjungur alls verðmætis í útflutningi frá landinu.