Gengisvísitalan komin yfir 240 stig

Krónan hefur veikst um rúmt eitt prósent í dag. Gengisvísitalan er nú 240,20 stig, sem er eitt veikasta gildi krónunnar frá því fyrir hrun.  Frá því í sumar hefur krónan verið að veikjast smátt og smátt. 

Samkvæmt upplýsingum frá Íslandsbanka eru ekki mikil viðskipti þarna á bak við, eða um ein og hálf milljón evra.

Evran kostar nú 187,40 kr. og Bandaríkjadalurinn 125,80 kr. 

Aðalskýringin á þessari veikingu er viðskiptahallinn við útlönd að sögn Íslandsbanka. Íslendingar séu almennt ekki með lánalínur nema í gegnum Alþjóðagjaldeyrissjóðinn til þess að fjármagna hallann. Til að koma til móts við hann verði að nýta fjármagnið sem komi frá AGS.

• 2 blogg um fréttina

Bloggað um fréttina

• Páll Vilhjálmsson: Samsærið gegn krónunni
• Jonni: Úps