1273 milljarða forgangskröfur

Forgangskröfur í þrotabú Landsbankans námu samtals 1273,5 milljörðum króna en alls bárust 12.053 kröfur í bú bankans. Um helmingur allra krafna bárust tvo síðustu daga áður en kröfulýsingafrestur rann út.

Stærstu kröfurnar eru frá stjórnvöldum í Bretlandi og Hollandi vegna 350.000 innistæðueigenda Icesave-reikninga í þessum löndum.

Frestur til að lýsa kröfum í þrotabú gamla Landsbankans rann út um síðustu mánaðamót. Fundur með kröfuhöfum bankans verður haldinn í næstu viku en í dag var kröfuskráin birt á lokuðu vefsvæði, sem kröfuhafar bankans hafa aðgang að.

• 1 blogg um fréttina

Bloggað um fréttina

• Snorri Bergz: 1273 milljarðar? Ekkert mál