Fjögur fyrirtæki sameinuð

Fjögur upplýsingatæknifyrirtæki hafa verið sameinuð í eitt. Fyrirtækin eru Eskill, Kögun, Landsteinar Strengur og Skýrr, sem framvegis munu starfa undir nafni þess síðastnefnda. Starfsfólki fyrirtækjanna voru tilkynntar breytingarnar í dag, en starfsmenn sameinaðs fyrirtækis eru 320 talsins. Forstjóri verður Gestur G. Gestsson. Félögin eru öll í eigu Teymis. Greint er frá þessu á vef Teymis.

Líkt og fram kom fyrr í mánuðinum hefur Árni Pétur Jónsson  látið af störfum sem forstjóri Teymis og Vodafone en það er gert samkvæmt samkomulagið við nýja eigendur félaganna, Nýja Landsbankann. Þá var Gestur skipaður forstjóri Teymis en hann hefur undanfarin ár verið framkvæmdastjóri tæknisviðs Vodafone, en áður gegndi hann stöðu framkvæmdastjóra Margmiðlunar.

Gestur G. Gestsson.

• 1 blogg um fréttina

Bloggað um fréttina

• Bjarni Kjartansson: Samkeppnislög??