OECD spáir hagvexti hér 2011

Efnahags- og framfarastofnunin, OECD, spáir því að verg landsframleiðsla muni dragast saman hér á landi um 7% á þessu ári og um  2,1% á næsta ári en að 2,6% hagvöxtur verði á árinu 2011.

Stofnunin gerir ráð fyrir að atvinnuleysi verði 7% á þessu ári og því næstra og 6,4% ár árinu 2011. Þá telur stofnunin að einkaneysla dragist saman um 16,5% á þessu ári, 5,5% á næsta ári en aukist um 0,3% árið 2011. 

Verðbólga verður 5,8% á næsta ári og 2,5% á árinu 2011 gangi spá OECD eftir. Þá gerir stofnunin ráð fyrir að stýrivextir verði að jafnaði 7,6% á árinu 2010 og 6,4% árið 2011. Einnig er gert ráð fyrir að hratt dragi úr viðskiptahalla og hann verði 1,6% á næsta og þarnæsta ári.

OECD segir, að gert sé ráð fyrir samdrætti í íslenska hagkerfinu fram á næsta ár en þá hefjist vöxtur að nýju, aðallega vegna þess að vonir standi til að þá hafi íslenskar fjármálastofnanir verið endurreistar og einnig komi þá til fjárfestingar í orkufrekum iðnaði.

Stofnunin segir að áherslur í stjórnun peningamála eigi að beinast að því að halda gengi krónunnar stöðugu. Draga eigi í áföngum úr gjaldeyrishöftum til að koma á eðlilegum samskiptum við erlenda markaði og gera fyrirtækjum kleift til að sækja þangað lánsfé.  

Umfjöllun OECD um Ísland

• 3 blogg um fréttina

Bloggað um fréttina

• Friðrik Hansen Guðmundsson: Spáð er hagvexti um allan heim á næsta ári.
• Sigurður Jónsson: Gerir OECD ráð fyrir að Vinstri stjórn verði áfram. Ef …
• Ásgrímur Hartmannsson: Byggt á hverju?