Stýrivextir lækkaðir í Ungverjalandi

Stýrivextir Seðlabanka Ungverjalands voru lækkaðir um 50 punkta í dag líkt og flestir höfðu spáð og eru þeir eftir lækkunina 6,5%. Er þetta fimmta stýrivaxtalækkun Seðlabana Ungverjalands frá því í júlí og hafa stýrivextir ekki verið jafn lágir í Ungverjalandi síðan í júlí 2006.

Þrátt fyrir það eru stýrivextir í Ungverjalandi með því hæsta sem gerist í ríkum innan Evrópusambandsins.