Fullyrðingar um margra milljarða tap OR rangar

Það mat sem lagt er á viðskiptin með hlut OR í HS Orku í árshlutauppgjöri OR  er í samræmi við alþjóðlega reikningsskilastaðla.  Í því er að finna 962 mkr. varúðarniðurfærslu. Matið er staðfest af óháðum endurskoðendum OR. Þetta segir Guðlaugur G. Sverrisson stjórnarformaður OR í fréttatilkynningu.

„Fullyrðingar um margra milljarða króna væntanlegt tap OR af viðskiptunum eru rangar. Þær eru byggðar á þeim forsendum að um vanefndir samninga verði að ræða og að hlutabréf í HS Orku, sem eru veð OR fyrir greiðslu, séu í raun talsvert minna virði en í viðskiptum OR og Magma, sem var 6,31,” segir Guðlaugur.

“Í árshlutauppgjöri OR, sem birt var í dag, eru viðskiptin metin með eðlilegri varúðarfærslu í ljósi þess að enn eru ekki allir fyrirvarar viðskiptanna uppfylltir. Verði öllum fyrirvörum fullnægt og samningar gangi eftir, mun verðmat sölu OR á hlut sínum í HS Orku einnig ráðast af endanlegu uppgjöri í viðskiptum OR og Hafnarfjarðarbæjar og af því hvert verðmæti HS Orku verður metið á hverjum tíma.”

• 1 blogg um fréttina

Bloggað um fréttina

• Jakob Falur Kristinsson: Tap en ekki tap