Hlutabréfavísitölur falla við Persaflóa

Hlutabréfamarkaðir í furstadæmunum Dubai og Abu Dhabi héldu áfram að falla í dag og nemur lækkunin það sem af er degi 6,25% og 5,91%. Í gær var lækkunin enn meiri. Í Katar hefur hlutabréfavísitalan fallið um rúm 9% í morgun. Í Kúveit nemur lækkunin rúmum 2%.

Fjárfestar fengu viðvörun frá fjármálaráðherra Dubai í gær um að furstadæmið tryggði ekki skuldir fyrirtækjasamsteypunnar Dubai World líkt og margir höfðu haldið en alls skuldar Dubai World og dótturfélög 59 milljarða Bandaríkjadala.

Dubai World lýsti því einnig yfir, að verið væri að endurskipuleggja fjármál félagsins og semja um skuldir.

• 1 blogg um fréttina

Bloggað um fréttina

• Jón Pétur Líndal: Faglega tekið á málum í Dubai.