Atvinnuleysi í Evrópu ekki meira í ellefu ár

Atvinnuleysi á evrusvæðinu í október var það mesta í 11 ár, samkvæmt opinberum mælingum. Að meðaltali mældist atvinnuleysi á svæðinu 9,8%, leiðrétt fyrir árstíðabundnum sveiflum, í mánuðinum.

Er þetta sama hlutfall og mældist í september en atvinnulausum fjölgaði um 134 þúsund á milli mánaða. Mikill munur er á atvinnuástandinu milli einstakra landa. Þannig er um 20% atvinnuleysi á Spáni en mælist undir 4% í Hollandi.