Lánshæfismat Bretlands í hættu

Núverandi lánshæfismat Bretlands er í hættu en í ljós hefur komið að Gordon Brown, forsætisráðherra, kom í veg fyrir að fjármálaráðherra, Alistair Darling, myndi boða hækkun virðisaukaskatts þegar hann kynnti fjárlagafrumvarp næsta árs. Greint er frá þessu á vef breska dagblaðsins Times í dag.

Times segir að fleiri tillögur Darling um að auka tekur ríkissjóðs til að draga úr skuldum hafi einnig verið stöðvaðar.

Samkvæmt Times hefur alþjóðlega lánshæfismatsfyrirtækið Moody's varað við því að það muni jafnvel lækka AAA lánshæfiseinkunn breska ríkisins ef ríkisstjórninni mistekst að grynnka á fjárlagahallanum á næstu þremur árum.

Sjá nánar á vef Times

• 1 blogg um fréttina

Bloggað um fréttina

• Jón Pétur Líndal: Linka við Bretana - Ekki sama jón og Séra Jón.