Arðgreiðsla frá Arion gengur ekki upp

Í tekjutillögum fjármálaráðuneytis fyrir þetta ár var gert ráð fyrir því að Arion banki greiddi ríkinu 6,5 milljarða króna í arð en Ríkisendurskoðun taldi það fyrirkomulag ekki ganga upp.

Var ætlunin að ríkið myndi strax lána umrædda 6,5 milljarða aftur til bankans í formi víkjandi láns.

Fyrsti minnihluti fjárlaganefndar gagnrýndi þessi áform ráðuneytisins, m.a. á þeim forsendum að ákvörðun um arðgreiðslu þyrfti að taka á aðalfundi bankans eftir lok reikningsárs og því væri ekki hægt að skuldbinda verðandi eigendur með þessum hætti.