Varar við annarri niðursveiflu

Framkvæmdastjóri Alþjóðagjaldeyrissjóðsins, Dominique Strauss-Kahn, varaði í dag ríki heims við því að hætta of snemma stuðningsaðgerðum við hagkerfi sín.

Sagði hann að efnahagsbatinn væri enn mjög viðkvæmur, einkum í þróaðri hagkerfum. „Í flestum ríkjum er hagvöxturinn enn drifinn áfram af aðgerðum ríkisvaldsins.“ Sagði hann að á meðan eftirspurn á almennum markaði væri jafn veik og raun beri vitni þá eigi ekki að hætta opinberum aðgerðum.
Varaði Strauss-Kahn við því að hætta væri á annarri niðursveiflu ef opinberum aðgerðum væri hætt of snemma.

• 2 blogg um fréttina

Bloggað um fréttina

• Axel Jóhann Axelsson: Opinberar stuðningsaðgerðir hérlendis eru engar
• Geir Ágústsson: Sósíalisti boðar ríkisafskipti - hvað er nýtt?