Glaxo segir 4 þúsund manns upp

Stærsta lyfjafyrirtæki Bretlands, Glaxo Smith Kline, ætlar að segja upp fjögur þúsund starfsmönnum til viðbótar við þá sem þegar hafa misst vinnuna hjá félaginu. GSK hefur boðað breyttar áherslur í rekstri og ætlar að einbeita sér að nýmörkuðum. Það þýðir að starfsfólki verður fækkað í Evrópu og Ameríku, að því er segir í breska blaðinu Sunday Times í dag.

Alls starfa um 99 þúsund manns hjá Glaxo víðsvegar um heiminn. Forstjóri þess, Andrew Witty, hefur stýrt félaginu í tvö ár en tilkynnt verður um uppsagnirnar þegar uppgjör lyfjafyrirtækisins verður kynnt á fimmtudag, að því er segir í frétt Times.

• 1 blogg um fréttina

Bloggað um fréttina

• Guðrún María Óskarsdóttir.: Sjá fram á stórfelldan sparnað í lyfjaútgjöldum samfélaga.