Varar við gjaldþroti UBS

Dóms­málaráðherra Sviss varaði við því í dag að svo gæti farið að sviss­neski bank­inn UBS gæti farið í þrot ef ekki tekst að semja við banda­rísk stjórn­völd varðandi fjár­svik í tengsl­um við skatta­skjól.

Hegðun UBS í Banda­ríkj­un­um var mjög vafa­söm. Ekki bara vegna þess að hún varðar við lög held­ur einnig þau áhrif sem þetta hef­ur haft á all­an rekst­ur bank­ans, seg­ir Evel­ine Widmer-Schlumpf í viðtali við Le Mat­in Di­manche.

Hún seg­ir að ef UBS fer á hliðina þá hefði það gríðarleg áhrif á allt hag­kerfi Sviss og vinnu­markaðinn. Hún seg­ist ótt­ast að svo geti farið ef banda­rísk yf­ir­völd ákveða að svipta bank­ann rétt­ind­um til að starfa í Banda­ríkj­un­um.

Samið var um það í fyrra að UBS myndi af­henda banda­rísk­um yf­ir­völd­um upp­lýs­ing­ar um 4.500 viðskipta­vini bank­ans sem grunaðir eru um skattsvik. Hins veg­ar tel­ur sviss­nesk­ur dóms­stóll að sam­komu­lagið stand­ist ekki.  Telja fjöl­marg­ir íbú­ar Sviss, sem er þekkt fyr­ir fjár­mála­starf­semi, að sviss­nesk­um stjórn­völd­um hafi mistek­ist að standa vörð um hag bank­ans. 

Dóms­málaráðherr­ann er ósam­mála því og seg­ir að ekki sé hægt að saka stjórn­völd um slíkt.  

• 5 blogg um frétt­ina

Bloggað um frétt­ina

• Axel Jó­hann Ax­els­son: Banka­gjaldþrot í Sviss???
• Gunn­ar Gunn­ars­son: Borg­um við ekki bara brús­ann?
• Jón Pét­ur Lín­dal: Besta mál ef UBS fer á haus­inn.
• Guðrún María Óskars­dótt­ir.: Nýtt " ices­a­ve­mál " í upp­sigl­ingu mill­um Sviss og USA …
• Ægir Óskar Hall­gríms­son: Svik og prett­ir ofan á alla vit­leys­una.