Martröð Toyota versnar enn
Setja bókamerki
Það blæs ekki byrlega fyrir japanska bílaframleiðandann Toyota Motor. Í síðustu viku varð fyrirtækið að innkalla bifreiðar í milljóna vís vegna vandamála í bensíngjöf. Í gær tók martröðin á sig nýja mynd - tugir kvartana bárust vegna vandræða í hemlabúnaði Prius bifreiða í Norður-Ameríku og Japan.
Toyota hefur lagt mikið undir í markaðssetningu á tvinnbílnum Prius og efasemdir nú um öryggismál bílsins geta haft alvarlegar afleiðingar fyrir fyrirtækið.
Að sögn talsmanns Toyota, Mieko Iwasaki, er verið að fara yfir kvartanir sem borist hafa frá umboðsmönnum Toyota í Norður-Ameríku og Japan. Hún segir að meðal þeirra bifreiða sem nú sé kvartað yfir sé nýja gerðin af Prius sem kynnt var til sögunnar í fyrra.
Samkvæmt upplýsingum úr japanska samgönguráðuneytinu bárust 13 kvartanir vegna hemlabúnaðar í Prius í nýliðnum mánuði til ráðuneytisins.
Sáu eldgosið brjótast út frá Snæfellsnesi
Beint: Eldgos hafið við Stóra-Skógfell
Hvað gerðist eiginlega í VMA?
Óttast að fólk fari aftur að eyða peningum
Hraun fór yfir Grindavíkurveg
Þórarinn: Tafir á höfuðborgarsvæðinu ekki minni
Tekist á um áður óþekkta skýrslu landlæknis