Þýska ríkið vill komast yfir fé í Sviss

Upplýsingar um meint skattsvik þýskra borgara gætu þýtt að ríkissjóður landsins endurheimti um 400 milljónir evra, andvirði um 71 milljarðs króna, af skattfé.

Í þýska blaðinu Süddeutsche Zeitung í gær sagði að skattasérfræðingum reiknaðist svo til að miðað við þær fjárhæðir sem þýskir borgarar ættu á bankareikningum í Sviss gæti þýska ríkið átt inni hjá þeim áðurnefnda upphæð, en um er að ræða 100.000 þýska borgara. Eru upplýsingarnar fengnar frá næststærsta banka Sviss, Credit Suisse.