Mikill hagnaður hjá Barclay's

Hagnaður breska bankans Barclays nam tæpum 9,4 milljörðum punda, jafnvirði 1900 milljarða króna, á síðasta ári eftir skatta. Er það aukning um 144% frá árinu á undan.  

Barclays segir í tilkynningu, að þrátt fyrir þennan árangur hafi bæði John Varley, forstjóri bankans, og   Bob Diamond, stjórnarformaður, afþakkað bónusa annað árið í röð.

„Af tillitssemi við marga viðskiptavini og hluthafa, sem hafa orðið fyrir áhrifum af efnahagssamdrættinum, og vegna þess að laun bankamanna eru mjög til umræðu, hafa bæði  John Varley og  Bob Diamond tilkynnt stjórninni að þeir vilji afþakka slíkar greiðslur annað árið í röð," segir í tilkynningu bankans.

Barclays þurfti ekki að leita á náðir breska ríkisins í fjármálakreppunni eins og margir aðrir stærstu bankar Bretlands.

• 1 blogg um fréttina

Bloggað um fréttina

• Ómar Gíslason: Gott hjá Barclays bankanum