Ekki enn vor á Íslandi

Sérfræðingur þýska bankans Commerzbank segir, að 3,3% vöxtur landsframleiðslu á Íslandi milli þriðja og fjórða ársfjórðungs síðasta árs, sé góð tala en tákni þó ekki að vorið sé komið í íslensku efnahagslífi.

„Það snjóar kannski minna en það er ekki enn komið vor," hefur Reutersfréttastofan eftir Antje Praefcke, sérfræðingi bankans. 

Reuters fjallar um tölur sem Hagstofan sendi frá sér í morgun og sýndu m.a. að landsframleiðslan á síðasta ári var 6,5% minni en árið áður. Búist er við áframhaldandi samdrætti á þessu ári.  

• 2 blogg um fréttina

Bloggað um fréttina

• Gunnar Heiðarsson: Vorið er ekki komið, en það kemur
• Jens Guð: Pálmi Haraldsson er fórnarlamb