Fjórir bandarískir bankar féllu um helgina

Bandarísk stjórnvöld lokuðu á föstudagskvöld  fjórum bönkum. Hafa þá 26 bandarískir bankar fallið það sem af er þessu ári, að sögn Reutersfréttastofunnar.

Stærsti bankinn, sem féll um helgina, var Sun American Bank í Boca Raton í Flórída. Bankinn rak 12 útibú í Flórída með 444 milljónir dala á innlánsreikningum, jafnvirði 57 milljarða dala. 

Þá var Centennial Bank í Odgen í Utah, Waterfield Bank í Germantown í Maryland og Bank of Illinois of Normal í Illinois lokað.

Það sem hefur einkum valdið bönkunum erfiðleikum eru miklar afskriftir á fasteignalánum.  Bandarísk stjórnvöld segja, að búast megi við að margir bankar þurfi að hætta starfsemi á þessu ári. Á síðasta ári var 140 bönkum lokað í Bandaríkjunum og 25 bönkum árið 2008.  Aðeins 3 bankar þurftu að hætta starfsemi árið 2007. 

• 3 blogg um fréttina

Bloggað um fréttina

• Hreinn Sigurðsson: Skrýtið að bankar falli þar sem ekki er Sjálfstæðisflokkur.
• Jón Aðalsteinn Jónsson: Þurfa að taka upp norænavelferðarmódelið
• Ægir Óskar Hallgrímsson: ..og bankar munu falla??