Aldrei meiri þörf fyrir lánsfé

Matsfyrirtækið Standard & Poor‘s spáir því að lánsfjárþörf ríkja Evrópu á þessu ári nemi um 1.446 milljörðum evra, rúmum 251 þúsund milljörðum króna. Lánsfjárþörfin er þá sex sinnum hærri en hún var árið 2007 og slær út fyrra met frá árinu 2009 með um 390 milljarða aukningu. Samkvæmt S&P er reiknað með að samtals muni um 46 af 50 ríkjum Evrópu þurfa á þessum fjárhæðum að halda til að fjármagna sig.

Greinir hjá Standard og Poor segir bágar efnahagsaðstæður koma niður á tekjum ríkjanna sem þurfi að leggja meira út vegna aukins atvinnuleysis og stuðningsaðgerða ríkisstjórna til að rétta efnahagslífið  við.

Samkvæmt sérfræðingnum má búast við að lánsfjárþörfin aukist enn frekar. Belgía, Ítalía, Írland og Portúgal þurfi t.d. að endurfjármagna fimmtung af þjóðarframleiðslunni í ár.

Frétt Berglinske Tidende

• 1 blogg um fréttina

Bloggað um fréttina

• Jón Pétur Líndal: Evrópa að fara á hausinn í heild sinni.