Ríkið skuldar 1176 milljarða
Setja bókamerki
Heildarskuldir ríkissjóðs hafa aukist úr 310 milljörðum króna árið 2007 í 1176 milljarða í lok árs 2009. Heildarskuldir ríkissjóðs sem hlutfall af landsframleiðslu voru því 78% í lok árs 2009.
Fjármálaráðuneytið segir, að rekja megi stærstan hluta skuldaaukningarinnar til fjárfestingar í eignum sem standi á móti þeim skuldum. Þannig námu erlendar skuldir ríkissjóðs 356 milljörðum í loka árs 2009 en á móti þeim standi gjaldeyrisvaraforði að fjárhæð 281 milljarður. Hreinar erlendar skuldir voru því 75 milljarðar.
Þá nema skuldir vegna endurreisnar á bankakerfinu um 186 milljörðum en á móti þeim standa samsvarandi eignarhlutar og lánveitingar til bankanna.
Innlendar markaðsskuldir nema 625 milljörðum en á móti þeim eru innstæður ríkssjóðs í Seðlabankanum að fjárhæð 164 milljarðar.
Ráðuneytið segir, að lausafjárstaða ríkissjóðs sé góð og voru innstæður ríkissjóðs í Seðlabankanum 164 milljarðar um síðustu áramót. Ríkissjóður geti því endurfjármagnað lán að andvirði 130 milljarðar, sem eru á gjalddaga á árinu. Fjárþörf ríkissjóðs vegna hallareksturs hafi verið fjármögnuð að fullu á innlendum skuldabréfamarkaði sem sé til marks um það traust sem fjárfestar beri til ríkisins.
Skoða hvort Hvalur 8 og 9 geti hitað upp Suðurnes
Vandræði með vatn í Bolungarvík
Önnur aurskriða við Eyrarhlíð
Telja sig geta rekið Grindavík til 2026
„Allt í rusli“ við brúargerð á Vestfjörðum
