Stýrivextir verða 9%

Peningastefnunefnd Seðlabanka Íslands hefur ákveðið að lækka vexti bankans um 0,5 prósentur. Vextir á viðskiptareikningum innlánsstofnana lækka í 7,5%, hámarksvextir á 28 daga innstæðubréfum í 8,75%, vextir á lánum gegn veði til sjö daga í 9%, en það eru þeir vextir sem yfirleitt eru nefndir stýrivextir, og daglánavextir í 10,5%.

Spár greiningardeilda hljóðuðu upp á 0,25-0,5 prósenta lækkun stýrivaxta nú. Greining Íslandsbanka spáði því að peningastefnunefnd Seðlabanka Íslands myndi lækka stýrivexti um 0,25-0,5 prósent. Greiningardeild MP banka spáði 0,25 prósentustig lækkun og IFS Greining spáði lækkun upp á 0,50 prósentur. 

Rökin fyrir vaxtaákvörðun peningastefnunefndarinnar verða kynnt fyrir fréttamönnum og sérfræðingum á markaði klukkan 11 í dag. Hægt verður að fylgjast með útsendingu frá fundinum á vef Seðlabanka Íslands.

Næsti vaxtaákvörðunardagur Seðlabankans er þann 5. maí nk. Þá gefur bankinn einnig út Peningamál. 

Vextir Seðlabankans lækkuðu þann 27. janúar um 0,5 prósentur. 

• 3 blogg um fréttina

Bloggað um fréttina

• Njörður Helgason: Öllu haldið í böndum.
• S i g u r ð u r S i g u r ð a r s o n: Pressa ríkisstjórnarinnar skilar engu
• Páll Vilhjálmsson: Seðlabanki kyndir undir eyðslu