Verðbólgan mælist 8,5%

Vísitala neysluverðs miðuð við verðlag í mars hækkaði um 0,55% frá fyrra mánuði. Vísitala neysluverðs án húsnæðis  hækkaði um 1,05% frá febrúar.
Síðastliðna tólf mánuði hefur vísitala neysluverðs hækkað um 8,5% en vísitala neysluverðs án húsnæðis um 12,0%. Er hækkunin í takt við væntingar markaðarins. Í febrúar mældist tólf mánaða verðbólga 7,3% og í janúar var hún 6,6%.

Vetrarútsölum er víðast lokið og hækkaði verð á fötum og skóm um 7,1% (vísitöluáhrif 0,41%). Verð á bensíni og díselolíu hækkaði um 4,1% (0,22%).

Kostnaður vegna eigin húsnæðis lækkaði um 2,0% (-0,25%). Þar af voru -0,2% áhrif af lækkun markaðsverðs og 0,05% vegna lækkunar raunvaxta.

Undanfarna þrjá mánuði hefur vísitala neysluverðs hækkað um 1,4% sem jafngildir 5,7% verðbólgu á ári (10,1% fyrir vísitöluna án húsnæðis).

Vísitala neysluverðs samkvæmt útreikningi í mars 2010, sem er 362,9 stig gildir til verðtryggingar í maí 2010. Vísitala fyrir eldri fjárskuldbindingar, sem breytast eftir lánskjaravísitölu, er 7.165 stig fyrir maí 2010, samkvæmt frétt Hagstofu Íslands.

Hér er hægt að skoða undirflokka vísitölunnar

• 2 blogg um fréttina

Bloggað um fréttina

• Tómas Ibsen Halldórsson: Framreiknuð verðbólga er ca. 6,8%, en ekki 8,5%
• Njörður Helgason: Ógleði fyrir fólkið í landinu!