106 fyrirtæki gjaldþrota í mars

Í mars 2010 voru skráð 164 ný einkahlutafélög samanborið við 231 einkahlutafélög í mars 2009, sem jafngildir rúmlega 29% fækkun milli ára þá voru 106 fyrirtæki tekin til gjaldþrotaskipta samanborið við 100 fyrirtæki í mars 2009, sem jafngildir 6% fjölgun milli ára samkvæmt skráningu Hagstofunnar.

Einnig voru skráð 45 samlagsfélög í mars. Heildarfjöldi nýskráðra einkahlutafélaga er því 469 fyrstu þrjá mánuði ársins og hefur nýskráningum fækkað um tæplega 32% frá sama tímabili árið 2009 þegar 690 ný einkahlutafélög voru skráð.

Eftir bálkum atvinnugreina voru flest einkahlutafélög skráð í heild- og smásöluverslun, viðgerðir á vélknúnum ökutækjum en flest samlagsfélög voru skráð í sérfræðileg, vísindaleg og tæknileg starfsemi.

Eftir bálkum atvinnugreina voru flest gjaldþrot í heild- og smásöluverslun, viðgerðir á vélknúnum ökutækjum og í bálknum byggingarstarfsemi og mannvirkjagerð.

Fyrstu þrjá mánuði ársins 2010 er fjöldi gjaldþrota 292 sem er tæplega 12% aukning frá sama tímabili árið 2009 þegar 261 fyrirtæki voru tekin til gjaldþrotaskipta.

• 2 blogg um fréttina

Bloggað um fréttina

• Haraldur Haraldsson: 106 fyrirtæki gjaldþrota í mars/þetta mun því miður aukast,ekkert gert …
• Eggert Þór Aðalsteinsson: Kennitalan hækkar um helming