Heimsmarkaðsverð á olíu hækkar enn

Verð á hráolíu hækkaði umtalsvert í dag í kjölfar fregna af bættu efnahagsástandi í stærsta hagkerfi heims, Bandaríkjunum. Í New York hækkaði verð á hráolíu til afhendingar í júní um 98 sent og er 86,15 dalir tunnan. Í Lundúnum hækkaði verð á Brent Norðursjávarolíu um 54 sent og er 87,44 dalir tunnan.

Bandaríska hagkerfið óx um 3,2% á ársgrundvelli á fyrstu þremur mánuðum ársins, að sögn bandaríska viðskiptaráðuneytisins. Er þetta í samræmi við væntingar sérfræðinga sem höfðu spáð 3,3% hagvexti. Vöxturinn skýrist bæði af aukinni einkaneyslu og útflutningi. Á móti kom hins vegar aukinn innflutningur og samdráttur í eyðslu hins opinbera.

• 3 blogg um fréttina

Bloggað um fréttina

• Haraldur Haraldsson: Heimsmarkaðsverð á olíu hækkar enn/og mun gera það áfram,því miður!!!!!
• Reynir W Lord: nú geta Olífurstarnir hækkað og hækkað
• Segðu þinn hug ... umræðublogg!: Segðu ... Heimsmarkaðsverð á olíu hækkar enn