Gengið of nærri grunnþjónustu

Sóley Tómasdóttir, oddviti Vinstri grænna í borgarstjórn Reykjavíkur, segir niðurstöðu ársreiknings Reykjavíkurborgar árangur af niðurskurði þar sem gengið var allt of nærri grunnþjónustu gagnvart íbúum. Þá sé staða margra fyrirtækja sem sinna grunnþjónustu grafalvarleg.

Í tilkynningu til fjölmiðla nefnir Sóley að athyglisverðast sé að skoða stöðu B-hlutafyrirtækja borgarinnar, en þau sinna grunnþjónustu sem skiptir alla borgarbúa sköpum. Hún segir hæst bera þar Orkuveitu Reykjavíkur, Félagsbústaði, Strætó, Sorpu og Slökkviliðið – en staða þeirra sé grafalvarleg.

„Staða sveitarfélags sem hefur komið hita- og vatnsveitu, almenningssamgöngum, félagslega íbúðarkerfinu og slökkviliðinu í slík vandræði getur ekki verið góð. [...] Afskiptaleysisstefna frjálshyggjunnar, stefna meirihluta Sjálfstæðisflokks og Framsóknarflokks í borgarstjórn Reykjavíkur hefur verið sú að aðhafast ekkert. Að halda því svo fram gagnvart almenningi að árangur hafi náðst og að hér sé um sigur að ræða fyrir borgina er ámátlegt af hálfu meirihlutans,“ segir Sóley.

• 3 blogg um fréttina

Bloggað um fréttina

• Ólafur Ingi Hrólfsson: Er helflokksfulltrúanum alvara
• Guðrún María Óskarsdóttir.: Íbúar í Reykjavík þurfa að greiða skattahækkanir ríkisstjórnar VG, og …
• Einar Guðjónsson: Á ábyrgð ALLRA borgarfulltrúa