Erlendir kröfuhafar Byrs gengu fúlir af fundi

Fulltrúar þýsku bankanna Bayern Landesbank og Landesbank Baden-Württemberg gengu af fundi íslenska ríkisins með kröfuhöfum Sparisjóðsins Byrs sem haldinn var í London í mars síðastliðnum.

Fundurinn var haldinn til að kynna kröfuhöfum frekar hugmyndir fjármálaráðuneytisins um endurskipulagningu sjóðsins og afskriftir sem mismunandi hópar kröfuhafa þyrftu að taka á sig samkvæmt þeim hugmyndum.

Fulltrúum þýsku bankanna var það lítt að skapi, og töldu ótækt að taka á sig háar afskriftir ef stofnfjáreigendur ættu að halda eftir einhverju af sínu. Jafnframt strönduðu viðræðurnar á því að eigendur víkjandi skuldabréfa áttu að fá eitthvað í sinn hlut, en víkjandi skuldabréf eru vanalega afskrifuð að fullu við endurskipulagningu fjármálastofnana.

Sjá nánar um þetta mál í viðskiptablaði Morgunblaðsins í dag.