Stein Bagger segist vera siðblindur

Stein Bagger, sem á síðasta ári var dæmdur í 7 ára fangelsi fyrir stórfelld fjársvik, segist í viðtali við danska ríkisútvarpið vera siðblindur lygari. „Þegar maður hefur logið svo miklu þá verður einskonar umbreyting," er haft eftir Bagger.

Danska sjónvarpið DR1 ætlar á morgun að sýna þátt sem nefnist:  Stein Bagger -Er hægt að treysta lygara? Bagger stýrði fyrirtækinu IT Factory, sem talið var í fremstu röð upplýsingatæknifyrirtækja í Danmörku en reyndist byggt á fjársvikum forstjórans.   

Á síðasta ári játaði Bagger að hafa svikið 862 milljónir danskra króna, jafnvirði 19 milljarða íslenskra króna, út úr fyrirtækinu. 

Bagger segist í sjónvarpsþættinum hafa leiðst út á þessa braut vegna þess að hann þráði viðurkenningu. Hann vildi einkum sanna sig fyrir Asger Jensby, stjórnarformanni IT Factory sem var virtur maður í dönsku viðskiptalífi. Síðan hafi svikið undið upp á sig og loks átti Bagger erfitt með að greina á milli raunveruleikans og þess ímyndaða heims, sem hann hafði búið til.   

• 4 blogg um fréttina

Bloggað um fréttina

• Hrannar Baldursson: Geturðu treyst siðblindum lygurum til að segja satt?
• Einar Guðjónsson: ÍSLENDINGAR Gætu lært af honum.
• Guðmundur Júlíusson: Fleiri en Stein Bagger þjást af þessari siðblindu
• Gunnar Gunnarsson: Bara í Danmörku?