Ekki aftur skuldasamsteypur

„Við munum ekki endurreisa vogaðar fyrirtækjasamsteypur sem leggja undir sig heilu markaðina," sagði Gylfi Magnússon, viðskiptaráðherra, á morgunverðarfundi Samkeppniseftirlitsins í dag.

Gylfi hélt opnunarræðu á fundinum sem var haldinn undir yfirskriftinni „Yfirtaka banka á atvinnufyrirtækjum."

Ráðherrann sagði að bankarnir gegndu lykilhlutverki í endurreisn atvinnulífsins á Íslandi í kjölfar hruns banka og krónu. Gylfi nefndi að ef bankar treystu sér ekki til að taka umdeildar ákvarðanir og sætu með hendur í skauti, gæti kostnaður vegna þess verið meiri en að taka ranga ákvörðun.

„Umdeildar ákvarðanir munu þó ávallt valda ágjöf á bankana, til dæmis í fjölmiðlum," sagði Gylfi.

• 2 blogg um fréttina

Bloggað um fréttina

• Jón Snæbjörnsson: Nákvæmlega Gylfi Magnússon
• Einar Guðjónsson: Ávallt sofandi