Spænskur sparisjóður tekinn yfir

Seðlabanki Spánar hefur tekið yfir starfsemi sparisjóðs vegna fjárhagserfiðleika sparisjóðsins. Hefur yfirstjórn sparisjóðsins CajaSur verið vikið frá en til stóð að sparisjóðurinn sameinaðist öðrum banka, Unicaja. Sá samruni varð að engu og því ákvað seðlabankinn að taka sparisjóðinn yfir.

Segir í tilkynningu frá Seðlabanka Spánar að með þessu séu innistæður tryggðar og að sparisjóðurinn standi við skuldbindingar sínar.

Cajasur fór illa út úr hruninu en hann er einn þeirra litlu sparisjóða á Spáni sem yfirleitt er stýrt af sveitarstjórnarmönnum í viðkomandi héraði.

Cajasur tapaði 596 milljónum evra á síðasta ári og 114 milljónum evra á fyrsta ársfjórðungi 2010.

• 1 blogg um fréttina

Bloggað um fréttina

• Magnús Jónsson: Er hrun í bankakerfi Spánar að hefjast?