Yfir 10% atvinnuleysi á evru-svæðinu

Atvinnuleysi mældist 10,1% að meðaltali í þeim sextán ríkjum sem mynda Myntbandalag Evrópu í apríl. Er þetta mesta atvinnuleysi á svæðinu frá upphafi en þetta þýðir að um sextán milljónir íbúa evru-svæðisins eru án atvinnu.

Í ríkjum ESB eru 23,3 milljónir án atvinnu, 2,4 milljónum fleiri en í apríl í fyrra.  Einungis Þýskaland getur státað að minna atvinnuleysi í ár en í fyrra.

Atvinnuleysið er minnst í Hollandi eða 4,1% en mest í Lettlandi eða 22,5%.

Á Spáni eru 19,7% án atvinnu og ef horft er til ungs fólks þá mælist atvinnuleysið rúm 40%.

• 1 blogg um fréttina

Bloggað um fréttina

• Haraldur Haraldsson: Yfir 10% atvinnuleysi á evru-svæðinu/við munum fara yfir þetta næstu …